منتدى حياة القلوب

منتدى اجتاعي عام


    اعمل لدنياك كانك تعيش ابدا واعمل لاخرتك كانك تموت غدا

    شاطر
    avatar
    الفارس العنيد
    Admin

    عدد المساهمات : 66
    تاريخ التسجيل : 26/01/2010

    اعمل لدنياك كانك تعيش ابدا واعمل لاخرتك كانك تموت غدا

    مُساهمة  الفارس العنيد في الخميس مارس 04, 2010 11:30 am



    اخدم بجد اوصدق في دناياك ===ولكن ليوم الدين دير أحساب
    ربي كلفك بالعقل وين نشاك===على ما خلق فوق م لوطاه دواب
    وبهن بيش تصرف أفكار عطاك===ونزل امنجلك عالرسول أكتاب
    تفكر غداً لله يوم لقاك === لاتغربك زهوة أيام شباب
    واحسب أحساب القبر راه وراك ===تجية في كفن مسبول بين أخشاب
    أدناها قريب ألتربتك دناك===يشيل بالته ويسفى عليك أتراب
    لا ينفعوك أبنفس فيـه ضناك ===ولاابواسطة دلوك أتشيل شراب
    وياتيك سايل وين ما خلاك ===على قيس مفعولك اترد وجاب
    انكان شر يشهد ابها عليك عضاك ===ونكان خير ماتشعر اباب ارهاب
    ولا ترتعب خليك في مصباك ===عليك انتعدا واعتدا نهاب
    بصيرة او مارايد ابها مولاك ===ان راد امخلوق ايديرلك كذاب
    وان جا شي ضرك من افراد اعداك ===مكتوبلك اورايد هم الله اسبـاب
    ولا عالفقارة تفتخر بغناك ===ولاالقل يسمى عليك اغلاب
    واحمد المولا واشكرة ابغـداك ===وقول العشا عنده اوهو جياب
    وانجاك خير ماغير الكريم عطاك ===واللي قاسمة تطرق عليك الباب
    ونجاك عفو ماغير الكريم عفاك ===وعلى كل تايب ربنا تواب
    وما انقولكش خليك تحت غطاك ===راقد ايجي رزقك بدون اسباب
    اسبب أوخلي فا الصواب أخطاك ===ايعينك الله سبحان ماتغلاب
    او خلي علي قل الرجال ابكاك===مااهناك شيه وادي بدون اشعاب
    ولو امطرت عشر ايام حط احذاك ===بلا ميح مايملا البير سحاب
    ناعلي وصيتك اوخود ابداك ===وصاه خلها بين العيون احجاب
    اواختمت يــالمتصنت ابقول حشاك ===الله يلعن الذمام والكذاب
    ونعل البخيل امعاه موش امعاك ===وننعل الذليل اللي الموت ايهاب




      الوقت/التاريخ الآن هو الثلاثاء نوفمبر 21, 2017 10:28 pm